Бүгін «Antikor Ortalygy» алаңында білім беру саласындағы комплаенс-қызметі бойынша жауапты қызметкерлермен кездесу өтті. Семинарға облыстың шалғай аудандарының өкілдері Zoom платформасы арқылы қосылды.

Іс-шараға 200-ден астам қатысушы қатысты. Жиналғандарға сыбайлас жемқорлыққа қарсы комплаенс институтын ұйымдастыру, есептілікті жүргізу, мемлекеттік сектор субъектілеріне комплаенс-қызметтерді енгізу, оны жетілдіру жөніндегі әдістемелік ұсынымдар беріліп, түсіндірілді.

Өзекті тақырыпты талқылау барлық қатысушылардың қызығушылығын тудырды.

Жұмыс мазмұнды әрі пікір алмасу форматында өтті. Семинар барысында қатысушылар сыбайлас жемқорлыққа қарсы комплаенс-қызметі бойынша пайдалы ұсыныстар алды.